DFB-Pokal

Nan okazyon 8èm final DFB Pokal la, Bayern Munich pran nan yon sipriz fas Bayern Leverkusen (0-1).

Si sa te byen kòmanse pou Bavawa yo, men sa te pral vin yon kochma apre. Tout sa, akoz yo fini ak 10 kont 11 apre Manuel Neur, 38 lane, 19 match nan tout konpetisyon yo, ta pral pran yon katon wouj dirèk. Li pran l apre yon fot li fè sou Jeremie Frimpong nan 17èm minit.

Fè ki atire atansyon gran piblik la nan koze katon an, se pou premye fwa nan istwa gadyen Alman an li pran yon katon wouj, apre 867 rankont kòm pwofesionèl. Moman sa vin parèt istorik pou pòtye Bayern lan ki rete yon referans nan koze bare boul.

Pou rapèl, sou kesyon eliminasyon klèb Munich lan nan Koup almay la, Bavawa yo te sibi yon eliminasyon ane pase kont Saarbrücken ki se yon klèb twazyèm divizyon. Ane 2022, Fribourg te mete yo deyò apre yon balon te jwe nan men Musiala nan kare a nan 90èm minit.

Nou pa p bliye tou kalòt sa yo te pran fas Borussia Mönchengladbach an 2021 ak eliminasyon nan penalite kont Holstein Kiel nan lane 2020.

Sa vle di, pou senkyèm fwa youn apre lòt, Bayern Munich kite Koup Almay la san li pa rive nan dènye kare a kise final.

KÒMANTÈ

Denye atik yo