Premier League

Kòmansman sezon yo pa gen menm gou nan bouch tout klèb nan Premier League la. Pandan genyen ki sou 8èm viktwa yo nan 11 jounen, gen lòt ki potko ka selebre menm yon grenn viktwa.

Se ka ekip Wolverhampton lan ki monte nan Premier League la depi sezon 2018-2019. Wolverhampton gen nan palmarès li 3 fwa chanpyon chanpyona anglè a (1954, 1958 ak 1959). Li se youn nan klèb li te fonde chanpyona sa nan lane 1888. Yo fini dezyèm nan chanpyona sa 5 fwa deja (1938, 1939, 1950, 1955 ak 1960).

Pou sezon 2023-2024 la, Wolves yo, sou direksyon pwofesè anglè 41 lane a Gary O'neil, ap konnen yon moman nwa. Avèk Wolves yo, Gary O'neil deja dirije 58 match pou 28 defèt ak 19 viktwa, mete sou 11 match nil.

Pou sezon 2024/2025 sa, se anglè a ki toujou nan tèt ekip la. Yo ap konnen yon move moman pou kòmansman sezon an.

Apre 11 jounen, Gary O'neil fè premye viktwa l ak ekip la. Se kont yon ekip ki fèk monte nan Premier League la, Southampton.

Yo bat match la 2-0 lakay yo nan Molineux Stadium lan. Viktwa sa pa retire yo nan zòn wouj la, men toutfwa, fè yo dezyèm pami 3 ekip ki nan zòn wouj la. Yo gen 6 pwen nan klasman an.

KÒMANTÈ

Denye atik yo