Premier League

Jèn antrenè pòtigè a, Rúben Amorim, pou yon lòt fwa ankò fonse Manchester City nan kriz li a pi fon toujou.

Nan kad 16èm jounen Premier League la, peyi angletè te konnen premye dèbi Manchester pou sezon 2024/2025 lan.

Yon dèbi ki vire nan avantaj Reds Devils yo nan dènye minit match la gras ak yon penalite mitan tèren pòtigè a, Bruno Fernandez make. Se Amad Diallo ki te pwovoke penal la nan 87èm minit. Menm jèn ivwaryen 22 lane a pral make gòl viktwa Mankinyen yo nan 90èm minit sou yon pas defansè ajanten an, Lisandro Martinez.

Se pou yon dezyèm fwa sezon sa Rúben Amorim mete do Pep Guardiola atè. Premye fwa se nan dènyè match lakay li nan tèt ekip Sporting CP a li te bat Manchester City (4:1). Cityzens yo toujou louvri eskò fas Rúben Amorim, men malerezman jèn pwodij antrenè pòtigè a toujou chavire eskò a nan avantaj li.

Sou 5 dènye match ant Manchester United ak City, yo chak fè 2 viktwa ak yon match nil.

KÒMANTÈ

Denye atik yo