Premier League

Ansyen gadyen Liverpool la, Loris Karius ki te wè karyè l kapote depi aprè gwo erè li te fè nan match kont Real Madrid nan final Champions League 2019 la pou kounya ap jwe nan klèb Newcastle la nan peyi Angletè.

Gadyen alman an ki gen 30 lane kounya ap jwe wòl 3èm gadyen nan ekip Newcastle la depi yon lane edmi. Pandan tout tan sa Karius jwe yon sèl match ak Magpies yo kote li te fè yon defèt (4:1) kont Arsenal. Jwè a ki pa jwenn tan pou l jwe gen vizyon ale pile tè itali a nan Serie A.

Yon aksyon madanm jwè a ki se yon animatris ankouraje. Diletta Leotta ki se fiyanse jwè a, nan yon entèvyou ak medya Tuttosport a ankouraje piblikman jwè a pou rejwenn Serie A.

"Loris gen moun bò kote l ki ap travay pou li. Mwen espere li pran bon desizyon pou karyè li. Mwen ap viv Milan, yon tikras pwòch Milan ap pi bon pou nou. Mwen toujou di l jwè ki vin nan Serie A yo toujou tonbe renmen chanpyona a e yo souvan rete pou lontan" deklarasyon madanm jwè a.

KÒMANTÈ

Denye atik yo