Premier League

Atakan nòvejyen an Erling Braut Haaland pa sispann fè pale de li. Ansyen jwè Dortmund lan ki ap jwe nan Manchester City ki apèn sot genyen mayo dò a, frape yon triple pou premye match li aprè twofe sa.

Ekip Manchester City a ki t ap resevwa Fulham nan 4èm jounen Premier League la, ansanm ak Haaland fè yon malè sou ekip Fulham lan.

Sky Bleus yo malmennen ekip Fulham nan avèk yon eskò 5-1. Haaland te tou pwofite okazyon an pou make premye triple l pou sezon an ak klèb Manchester City a.

Moun ki make pou Citizens yo se Julian Alvarez 31èm minit, Nathan Aké 45+5 minit, Erling Haaland 58èm, 70èm sou penal ak nan 90+5 minit.

Nan match sila a atakan nòvejyen an make 3 gòl epi bay yon pas gòl. Manchester City twouve l an patwon nan tèt klasman an ak 12pwen.

KÒMANTÈ

Denye atik yo