Premier League

Jèn antrenè olandè a, Ruud Van Nistelroy, sot fè premye esperyans li kòm antrenè nan klèb Manchester United la kote li te ranplase Eric Ten Hag pou yon ti bout tan. Nan pasaj li kòm antrenè prensipal Manchester United, li te fè 4 match (3 viktwa ak yon nil) anvan yo te ranplase l pa Rúben Amorim ki deja fè yon viktwa ak yon nil nan 2 match li dirije nan tèt Reds Devils yo.

Pou kounya, Ruud Van Nistelroy se antrenè prensipal ekip Leicester City an nan plas Steeve Cooper ki t ap dirije ekip la depi mwa jen 2024 lè l te sòti nan ekip Nottingham Forest la.

Jèn antrenè olandè an vini drese bak Leicester City ki te an kriz depi kòmansman sezon an kote pou 13 match yo te jwe nan Premier League la yo te fè sèlman 2 viktwa ak 4 match nil ak 7 defèt.

Pou premye match li ak ekip la, Ruud Van Nistelroy fè premye viktwa l nan Premier League la ak ekip Leicester a 3-1 kont ekip West Ham la.

Se 4èm viktwa nan 5 match Ruud Nistelroy fè kòm antrenè prensipal nan Premier League la (3 ak Manchester United, youn ak Leicester City).

Pou kounya Leicester City konte 13 pwen nan klasman Premier League la.

KÒMANTÈ

Denye atik yo