Premier League

Chanpyona Angletè a ki pote non Premier League fonde depi nan lane 1888, men yo pral pote non Premier League la se nan lane 2007.

Kòman sa te ye?

Nan lane 1863, anglè yo fè parèt FA (Football Association) ki gen pou misyon mete nouvo règ nan foutbòl nan epòk la.

Se nan dat 8 septanm 1888 premye edisyon chanpyona anglè a pral lanse avèk 12 ekip. Match yo te toujou baze sou faz ale-retou men nan epòk sa yon viktwa te konte pou 2 pwen ki diferan a kounya li konte pou 3.

Stoke City se ekip ki te chanpyon premye edisyon chanpyona anglè a.

Nan lane 1891, premye divizyon chanpyona Angletè a pral pote non "First Division" ki vle di "Premye Divizyon" nan lang kreyòl la. Epi yo pral ogmante kantite klèb yo ak 14 ekip. Se nan lane 1905 chanpyona anglè a pral ogmante kantite klèb yo a 20.

Pandan premye gè mondyal la, chanpyona anglè a te kanpe pandan 4 lane. Yo pral rejwe nan lane 1919, pou sezon sa FA a te enskri 22 klèb nan chanpyona a. Nan epòk sa chanpyona anglè a te gen 2 divizyon sèlman.

Nan foutbòl anglè a se jis nan lane 1965 yo pral resi aksepte chanjman fèt nan match, nan epòk sa ekip yo te gendwa ak yon sèl chanjman si jwè a blese.

Koze 3 pwen pou chak match yon ekip genyen, pral fè aparisyon i nan lane 1981, nan lide pou fè yon bon pase men nan chanpyona a, tout klèb ki te afilye ak FA (Football Association) demisyone. Yo pral kreye " FA Premier League) nan lane 1992.

Nan lane 1993, Manchester United se ekip ki pral chanpyon premye edisyon chanpyona anglè a sou lòd FA Premier League la. Sezon sila a te fèt ak 22 klèb. Se jis nan lane 1995 akoz gwo presyon FIFA, yo pral oblije retire 2 klèb nan chanpyona a, yo pral vin jwe kounya a ak 20 klèb.

Nan lane 2007, chanpyona anglè a pral rechanje non ankò. Li sòti nan FA Premier League pou l tonbe nan Premier League jiska jounen jodi a.

William Mc Gregor ki se prezidan ekip Aston Villa a se li yo konnen kòm papa chanpyona sila.

KÒMANTÈ

Denye atik yo