Premier League

Jodi a, match chòk 12yèm jounen Premier League la te bay Manchester City kont Tottenham Hotspurs.

Sou yon bò, Manchester City te sou 4 defèt youn kole ak lòt. Kanta pou Tottenham, yo te sou 2 defèt youn kole ak lòt.

Match sila a te gen plizyè sipriz ladan. Se te moman mitan tèren espanyòl la, Rodri, te pwofite prezante Balondò li a devan piblik Cityzens lan nan Ethiad Stadium lan. Malerezman, kè kontan an pa t rete pou espanyòl la Rodri ki wè klèb li Manchester City pran yon souflèt marasa nan men Tottenham (4-0).

Match sila se dezyèm match Guardiola jwe kont ekip Tottenham nan sezon sa. Pou 2 match se 2 defèt pou Sky Blues yo.

Premye fwa Manchester City te pran baton nan men Tottenham pou sezon an se nan 4yè tou EFL Cup la. Yo te pè 2-1 nan kont Spurs yo nan match sila 30 oktòb pase a.

Fwa sa depi nan 20 minit premye minit yo, Tottenham te gentan ap mennen 2-0 sou Manchester City gras yon double James Maddison.

Rive nan dezyèm mitan an, Tottenham retounen make 2 gòl ankò gras ak Pedro Porro epi Brennan Johnson.

Defèt sila se 5èm defèt youn dèyè lòt nan tout konpetisyon Manchester City konnen depi defèt 2-1 kont menm ekip Tottenham sa.

Malgre defèt sa, Manchester City toujou rete nan dezyèm plas la ak 23 pwen nan do Liverpool ki gen 28 pwen plis yon match an reta.

KÒMANTÈ

Denye atik yo