Premier League

Jèn antrenè Olandè a, Ruud Van Nistelroy, konnen gou defèt li sou dezyèm klèb li dirije nan Premier League la.

Avan jèn olandè 48 lane a te pran tèt ekip Leicester a, Manchester United se premye klèb li te antrene nan Premier League la. Yon pòs li te genyen pou yon ti bout tan.

Ak 2 klèb sa yo, Ruud Van Nistelroy deja dirije 7 match nan Premier League la ( 4 ak Manchester United, 3 ak Leicester).

Pou 4 match li dirije ak Reds Devils yo li pa t konnen sa ki rele defèt la. Li te fè 3 viktwa ak yon nil avan li te remèt ekip la bay Ruben Amorim.

Nan tèt Leicester City, pwofesè olandè a pral konnen premye defèt li jodi samdi 14 desanm lan apre 3 match nan tèt ekip la.

Yon defèt li pran sou tèren St James Park la lakay ekip Newcastle la (4:0).

Sa ki anrejistre kòm premye defèt li depi li ap antrene nan Premier League la.

KÒMANTÈ

Denye atik yo