Saudi Pro League

Toujou pèfoman sou koulè Al-Ittihad, atakan Karim Benzema (36 lane, 10 gòl nan 10 match nan Saudi Pro League la) gen yon kontra k ap bout jis nan mwa jwen 2026.

Men daprè enfòmasyon medya Relevo bay jodi lendi a, fransè a kòmanse reflechi konsènan retrèt li e kapab deside kanpe sa depi nan fen sezon 2024-2025 lan.

Nan ka sa, malgre angajman l ak fòmasyon Sawoudyen an, ansyen jwè Lyonè a santi l gen yon relachman parapò ak prezans li chak jou nan preparasyon, ajoute sou fason l ap panse sou avni l, fè l plis anvi pou ta rejwenn klèb Madrid la.

Nan Real Madrid, atakan fransè an gentan gen yon akò avèk prezidan madrilèn lan Florentino Pérez pou vini anbasadè Merengue yo, sitou sou mache arab lan. San sipriz, Al-Ittihad montre li prè pou respekte desizyon KB9 la.

KÒMANTÈ

Dènye atik yo