Saudi Pro League

Nan kad 8èm jounen Saudi Pro League la, Al-Ittihad fè deplasman sou tèren Al-Riyadh la. 2èm nan do Al-Hilal nan komansman match lan, ti mesye Laurent Blanc yo te genyen posiblite pou genyen menm valè pwen ak lidè konpetisyon an tout fwa yo te fè viktwa.

San twòp tan, rankont lan te vin tounen nan avantaj vizitè yo. 28èm minit, Al Ziyad Al Sahafi te pran yon katon wouj e mete ekip la an difikilte fas jòn e nwa yo ki te vin genyen avantaj jwè.

Gras ak avantaj jwè yo a, Tig yo pwofite pou frape ak yon gòl N’Golo Kanté (0-1, 45+2èm). Aprè poz mitan, klèb Djeddah te gen kontwòl sitiyasyon an pandan yo t ap konsève avans yo nan lide pou sòti ak viktwa.

Nan klasman, Al-Ittihad rete 2èm men, li rapwoche pi pre Al-Hilal ak menm kantite pwen pou moman. Samdi 26 la, ble yo ap gen pou defann 3 pwen ki ap pèmèt yo ekate ak klèb Benzema.

KÒMANTÈ

Dènye atik yo