Ekspatriye

Jèn defansè ayisyèn Joséphine Vanuxeem jwe premye match li avèk ekip pwofesyonèl Lille la ki te an deplasman lakay Olympique Lyonnais jodi vandredi an.

Joséphine Vanuxeem ki te nan lis 18 jwez Rachel Saïdi te konvoke pou 18èm jounen D1 Arkema a, fè premye aparisyon li nan konpetisyon an nan kokennchenn defèt ekip Lille fè fas Olympique Lyonnais (5-0).

Menmsi Lille OSC ap konnen yon move sezon, rantre Joséphine Vanuxeem nan 77èm minit match la reprezante yon gwo moman pou Grenadye an ki t ap evolye avèk rezèv la depi anviwon twa lane.

N ap raple, avan menm evènman jodi a, Joséphine Vanuxeem, 19 lane, te deja jwenn twa konvokasyon avèk ekip nasyonal ayisyèn lan kote l menm deja enskri premye gòl li avèk seleksyon an.

Timoun Lyankou an vin fè 7èm jwez ayisyèn k ap evolye nan D1 Arkema a, bò kote Melchie Dumornay ki blese, Nerilia Mondésir, Kéthna Louis, Batcheba Louis, Roselord Borgella ak Amandine Pierre-Louis k ap jwe nan Saint-Étienne.

KÒMANTÈ

Dènye atik yo