Ekspatriye

Aprè plis pase 4 lane ap evolye nan foutbòl inivèsitè nan peyi Etazini, Paolo Simone Nicole Ellis nou plis konnen sou non Blue pran direksyon Ewòp kote l ap jwe nan peyi Lityani anndan MFA Zalgiris.

Atakant ayisyèn 24 lane an rejwenn ekip premye divizyon A Lyga a, MFA Zalgiris, pandan fen ivè an, kote l kòmanse montre dimansyon talan li. Sou 2 premye match li yo, li deja enskri twa gòl.

Blue Ellis k ap pote koulè seleksyon nasyonal ayisyèn lan depi fen ane 2022, pase nan foutbòl pwofesyonèl la avèk prezans li nan efektif MFA Zalgiris lan ki se youn nan pi gwo klèb foutbòl fanm nan peyi Lityani.

Dimanch ki sot pase an, entènasyonal ayisyèn lan enskri yon double pou premye match sezon an nan A Lyga a nan kokennchenn viktwa 21-0 Zalgiris fè sou FK Saned nan BFA Arena a.

KÒMANTÈ

Dènye atik yo