Ekspatriye

Duckens Nazon, grenadye nou an, te jwe kont ansyen antrenè Real Madrid la, José Mourinho, jodi a nan kad 12yèm jounen Trendyol Super Lig la nan peyi Tiki. Rankont sila pa t pase byen pou grenadye a ki pa te gen chans titilè nan match la.

Dezyèm pi bon bitè seleksyon nasyonal la Duckens Nazon, te kòmanse match la sou ban pou ekip Kayserispor kont ekip Fenerbahçe a.

José Mourinho malmennen ekip Duckens Nazon an ak 2-6 lakay Kayserisport. Grenadye a te antre nan 70yèm minit match la. Fenerbahçe te gentan ap mennen 2-4.

Chouchou ayisyen an jwe 20 minit nan match la. Li pa t gen chans reyisi fè okenn gwo aksyon pou ekip Kayserispor a. Sofascore ba li 6.6 sou 10 kòm nòt.

Malerezman, Nazon ak Kayserisport ki ap batay pou yo pa tonbe nan dezyèm divizyon, pèdi lakay yo kont youn nan pi bon antrenè mond lan ak ekip ekip ki dezyèm nan klasman an.

KÒMANTÈ

Dènye atik yo