Ekspatriye

Nan okazyon premye manch final chanpyona ekwatè a, Ricardo Adé ak ekip li Liga de Quito pran yon bèl opsyon fas ekip Independiente del Valle a nan estad la Liga Deportiva Universitario, Albos kote yo genyen 3-0 .

Ekip Liga de Quito a te fini nan 3èm plas klasman an a 30 pwen nan premye faz la. Ekip Indepediente del Valle a te fini nan premye plas la premye faz la ak 35 pwen. Ricardo Adé ak koyekipye l yo te bay kò ak nanm yo pou fini nan premye plas klasman an a 35 pwen nan dezyèm faz la.

Ekip Independiente del Valle a ak Liga de Quito ap jwe yon final sou de match akòz lwa chanpyona ekwatè a di ekip ki fini nan premye plas premye faz la ap jwe yon final sou de manch ak ekip ki fini nan premye plas dezyèm faz la .

Liga de Quito pat pran tan pou kòmanse pwoche pi pre twonfe a gras ak atakan vedèt ekip la Alex Arce ki fè de gòl 45+2 ak 57èm minit, Gabriel Villamil te fèmen eskò nan 73èm minit

Dezyèm match la pwograme pou samdi ki ap 14 desanm lan sou teren ekip Indepediente del Valle a. Anka yon viktwa oubyen yon match nil, Ricardo Adé ak ekip li ap ranpòte chanpyona ekwatè a. N ap fè konnen Liga de Quito te ranpòte chanpyona nan sezon 2023. Defansè Ayisyen an te fini pi bon defansè epòk sa. Entènasyonal Ayisyen an te jwe tout match la jodia .

KÒMANTÈ

Dènye atik yo