Ekspatriye

Ekip nasyonal ayisyèn lan ap gen pou jwe demen jedi ak lendi 30 oktòb k ap vini la kont Senkits nan kad eliminatwa premye Gold Cup fanm CONCACAF la ant fevriye ak mas 2024. Redaksyon GolAyiti an vle mete limyè sou Joséphine Vanuxeem.

Joséphine Vanuxeem ki pami nouvo jwez ki entegre ekip la pou rasanbleman sa k ap fèt Basse-Terre nan peyi Senkits ak Nevis se yon jèn defansè 19 lane k ap evolye nan peyi Lafrans anndan seksyon fanm ekip Lille OSC an ki nan D1 Arkema.

Si anpil nan ekspatriye yo se jwez ki sèlman gen orijin ayisyèn, Joséphine Vanuxeem k ap evolye nan ekip U-19 Lille lan depi lane 2019 se timoun Ayiti ki fèt nan dat 12 dawout 2004 nan komin Tirivyè Latibonit.

Joséphine Vanuxeem se pitit adoptif Estelle Vanuxeem, prezidant òganizasyon “Don d'Amour et d'Espoir pour Haïti”, ki te pran l nan yon òfelina nan kapital peyi a, Pòtoprens, depi lè li te tou piti.

Defansè ayisyèn 19 lane an ki te jwenn chans sove anba move kondisyon lavi timoun yo sitou souvan fè fas depi nesans yo, pa bliye orijin li kote jounen jodi a li sou wout pote koulè seleksyon nasyonal la pou reprezante Ayiti.

KÒMANTÈ

Dènye atik yo