Lòt Koze

Atis evajanlik Fr Luckson Jean ki genyen ti non Fr Luckson Zòn Pa Fè Moun, fè gran antre l nan koze foutbòl la ak fondasyon li an ki genyen sou responsablite l plizyè timoun ki te nan lari.

Malgre Bandi te atake kan kote timoun yo te ye nan Kwadèboukè a, atis evanjelik la Fr Luckson pa deside kanpe sou misyon prensipal li bay tèt li nan zafè ede timoun ki nan lari yo.

Fwa sa a Fr Luckson ki kwè nan mete pi douvan talan divès jèn ki te nan lari a ki kounya nan fondasyon li an, mete kanpe yon klèb foutbòl.

Klèb sila a ki fè premye antrènman l nan week-end 16-18 fevriye 2024 a pote non "Zòn Pa Fè Moun FC". Nouvo ekip sa ki genyen kòm prezidan figi anblematik fondasyon an Fr Luckson Jean vle mete pi douvan pwodiksyon epi ankadreman divès timoun ki te meprize nan lari kapital ak divès lòt kote.

" Si nou te chèche talan nan lari a, nou t ap patisipe nan divès Koup Dimond deja" pawòl Fr Luckson.

Nan klèb Sila a Fr Luckson tou montre premye timoun li te retire nan lari a nan lane 2020.

" Jou Ayiti pral nan koup Dimond fòk genyen plizyè timoun ki sot nan lari a" tèks ki ekri sou paj rezo fondasyon Zòn Pa fè Moun.

KÒMANTÈ

Denye atik yo