Lòt Koze

Violette AC demontre fòs li depi premye match Coupe Nostalgie a kote li kraze Saint Louis Gonzague Académie (6-1) nan Parc Sportif Thomassin.

Jou mèkredi 11 desanm 2024 la, fanatik foutbòl yo te viv yon bèl moman kote Violette Athletic Club (VAC) fè yon gwo pèfòmans kont Saint Louis Gonzague Académie nan premye match Coupe Nostalgie a. Depi premye mitan an, ekip Violette la te montre siperyorite li. Fabrice te louvri eskò a nan 16zyèm minit la, pandan Daison ta pral ogmante avantaj la nan 30zyèm minit. Men, Blaise te reponn pou St Louis ak yon bèl gòl nan 37zyèm minit la. Anvan mitan an fini, Elyvens Dejean te ajoute yon lòt gòl pou VAC nan 45zyèm minit la. Premye mitan an te fini (3-1) an favè Violette AC.

Nan dezyèm mitan an, Violette AC fèmen dosye a avèk yon lòt demonstrasyon fòs. Elyvens Dejean te make yon dezyèm gòl nan 46zyèm minit la, Simon ogmante eskò a nan 55zyèm minit, epi Stay mete dènye kouto a nan 62èm minit la. Match la fini sou yon eskò final 6-1 an favè Violette AC.

Demen, 12 desanm 2024, tounwa a ap kontinye ak yon lòt gwo match kote Aigle Noir AC ap fè fas ak Racing CH a pati de 3:00 PM. Fanatik foutbòl yo ap tann yon lòt espektak ak bèl jwèt.

KÒMANTÈ

Denye atik yo