Premye Divizyon

Klèb AS Cavaly a ki baze nan vil Lewogàn twouve l nan gwo difikilte pou al jwe faz Play Off chanpyona nasyonal la sitou akoz bandi pran kontwòl zòn Gresye.

Sèl klèb ki sòti nan site anakawona a ki te patisipe nan Chanpyona Nasyonal la drese divès pwoblèm yo genyen ki pou ta pèmèt yo al jwe faz Play Offs konpetisyon an.

Posiblite pou yo ta pase pa wout tè konplètman enposib sòti depi Gresye pase pa Maryani antre Matisan pou jis rive Ba Latibonit konplètman enposib ak aktivite gang yo ki tou patou nan peyi a.

Diriksyon klèb Konò a ki te gen yon opsyon pase pa anlè, ta sipoze gen yon anvlòp 22 mil dola ameriken san konte lòt kòb pou yo peye otèl ak manje pou estaf la selon sa yo fè konnen, men yo sèlman gen 4 mil dola ameriken disponib.

Opsyon pase pa lanmè a pase nan tèt dirijan klèb Cavaly yo, selon sa yo fè konnen transpò sila a ap dire yon kantite 10èd tan. Yon transpò ki ap trè fatigan pou jwè yo ki pral jwe yon match eliminatwa.

Malgre sa lanmè a ankò gen gwo pyèj li. Non sèlman gen vòlè ki kapab atake yo men tou li pa enposib pou bandi ta atake yo paske se sou lanmè selon sa yo fè konnen malfra yo te vini pou atake zòn Gresye a.

Yon seri pwoblèm Cavaly drese devan sekretè jeneral federasyon an Patrick Massénat sou divès difikilte ki kapab fè yo paka deplase pou al jwe match Play Offs yo.

KÒMANTÈ

Denye atik yo