Premye Divizyon

Klèb site Christòf la, Real Hope Football Academy, fè bonè peyi a nan Concacaf Caribean Cup la.

Apre yo te fin ranpòte chanpyona espesyal federasyon an te òganize a 1-0 kont Ouanaminthe FC, Real Hope Fa te jwenn chans ale reprezante Ayiti nan chanpyona Concacaf òganize pou detèmine 3 ekip ki pral jwe Champions League Concacaf la.

Pou rive atenn objektif sa, Real Hope ki pran nesans li nan lane 2014 pa t sispann monte mach echèl yo. Yo sòti nan dezyèm divizyon nan lane 2016, chanpyon premye divizyon yon lane apre li fin monte nan premye divizyon an nan lane 2017, patisipe nan CFU Championship nan lane 2018, chanpyon chanpyona espesyal la nan lane 2024.

Tout eksplwa sa yo ta pral kourone ak yon kalifikasyon pou Lig chanpyon Concacaf la ane sa apre yo sot fini 3èm nan Caribean Cup la.

Pandan konpetisyon Caribean Cup la, Angelo Exilus make 6 gòl pou yo. Se jwè sa ki te make premye gòl Real Hope nan konpetisyon an kont klèb Police FC a. Match sila te fini 1-1.

Angelo Exilus pral kontinye pote ekip la, kote li te make yon double kont ekip jamayikèn Mount Pleasant lan (2-0).

Pou rapèl, klèb grenadye yo bat klèb dominiken an MOCA FC 2 fwa (1-0, 2-3) pou yo te ka reyalize gwosè eksplwa sa nan istwa yo.

Moun ki make pou REAL HOPE FA se Daniel Saint-Fleur avèk yon double (90èm ak 90+5 minit) epi Angelo Exilus (65èm minit) .

KÒMANTÈ

Denye atik yo