Seleksyon Nasyonal

Aprè tiraj osò pou premye faz eliminatwa mondyal U-20 feminen 2025 lan, Ayiti tonbe nan gwoup A a e konnen advèsè l yo.

Sòti 20 pou rive 25 fevriye 2025, seleksyon ayisyèn U-20 feminen an pral gen pou angaje l nan premye faz eliminatwa sa k ap gen pou jwe nan peyi Antigwa k ap resevwa gwoup A a, yon gwoup ki gen Anyigwa Ayiti, Beliz ak Giyàn ladan.

Aprè fòfè pou eliminatwa mondyal kategori sa nan lane 2022, Ayiti sou wout patisipe nan konpetisyon Concacaf la avèk pou prensipal objektif jwenn youn nan 4 plas kalifikatif yo pou mondyal U-20 feminen an.

Pou seleksyon ayisyèn lan kapab kalifye, nan yon premye tan li dwe asire l fini premye nan gwoup A a epi al batay nan faz final la k ap fèt ak 8 ekip kote 2 premye chak gwoup yo ap kalifye pou mondyal sa k ap gen pou l fèt nan lane 2025.

KÒMANTÈ

Denye atik yo