Seleksyon Nasyonal

Lourdjina Etienne se jèn nimewo 9 seleksyon nasyonal fanm U17 la. Jèn atakant lan ki gen 16 lane kòm laj deja montre anbisyon l nan mond foutbòl la.

Selon deklarasyon Lourdjina ki ap viv Okap, li ka jwe plizyè kote sou tèren an.

Jèn konbatant lan ki montre tout potansyèl li nan 2 match sèlman ak seleksyon an (6 gòl ak yon pas gòl, yon kwatriple ak yon double).

" Mwen santi m fyè, mwen santi m kontan. Paske nou travay di pou nou bat 2 match sa yo" deklarasyon Lourdjina sou 2 match yo.

Lourdjina se yon jèn talan ki pran fòmasyon nan FIFA Goal, selon deklarasyon l tout motivasyon li se pou fè kè peyi a kontan epi pou kè pa l kontan.

Jèn etwal ayisyèn lan deja prè pou ede peyi a kalifye pou yon mondyal nan kolaborasyon ak tout estaf federasyon an.

Lourdjina Etienne ki jwenn enspirasyon l nan sipèsta gwo seleksyon an Corventina, fè konnen li ta renmen vin yon gwo jwè mondyal epi yon gwo jwè pou seleksyon an.

KÒMANTÈ

Denye atik yo