Seleksyon Nasyonal

Jèn mitan tèren Grenadye a, Christopher Attys, se youn nan pilye Ayiti gen pou konte sou li pandan plizyè ane ki gen pou vini yo.

Jèn gason sa ki gen sèlman 23 lane, se jwè klèb Triestina nan 3zyèm divizyon peyi Itali. Li kòmanse pwouve san repwòch enpòtans li anndan seleksyon alnasyonal la.

Christopher Atys konvoke pou premye fwa se nan dat 6 jen 2024 la sou lòd Sébastien Migné pou match kont Sent Lisi. Pou match sa, li te antre nan 80 minit nan plas Frantzdy Pierrot. Ayiti te bat Sent Lisi 2-1 (Duckens Nazon ak J. Duverne).

Aprè premye aparisyon sa, Christopher Attys patisipe nan 7 match ankò ak seleksyon an. Ladan yo li jwe 6 fwa, li titilè 3 fwa. Li make 3 gòl epi li bay 3 pas gòl.

Pou total, jèn grenadye a konvoke pou 8 match ak seleksyon an, li titilè 3 fwa, li jwe 7. Li rete sou ban an yon sèl fwa.

Li make 2 gòl kont Sen Maten epi 1 kont Pòtoriko. Li bay 3 pas gòl kont Sen Maten (2) epi lòt la kont Awouba.

Christopher Attys te make premye gòl li pou seleksyon an kont Sen Maten nan dat 9 septanm 2024 la. Nan menm sa okazyon li te tou bay premye pas gòl li pou seleksyon an.

Nou swete l anpil siksè nan mitan tèren ekip nasyonal ak nan karyè pwofesyonèl li pou ane k ap vini yo.

KÒMANTÈ

Denye atik yo