Gold Cup

Nan yon anons ofisyèl jodi dimanch 12 novanm lan, Concacaf fè konnen tiraj osò pou premye edisyon Gold Cup fanm lan ap fèt nan dat 11 desanm k ap vini la.

Konpetisyon sa k ap gen pou dewoule nan peyi Etazini sòti 17 fevriye pou rive 10 mas 2024, ap reyini 8 asosyasyon foutbòl manm Concacaf la ak 4 k ap sòti nan Conmebol la.

Nan kominike Concacaf pibliye sou dat ki prevwa pou tiraj osò an, yo fè konnen se yon evènman k ap retransmèt andirèk sou divès chèn lokal ak entènasyonal epi sou platfòm Concacaf yo sou rezo sosyal yo.

Douz ekip k ap patisipe yo ap repati nan 4 chapo k ap fèt sou baz plasman ekip yo nan klasman FIFA rive nan mwa desanm lan ak rezilta Copa America fanm 2022 an.

Chapo 1 : De ekip Concacaf ki pi byen klase yo epi chanpyon Copa America fanm 2022 an.

Chapo 2 : Twa ekip Concacaf ki pi byen klase yo.

Chapo 3 : Dezyèm, twazyèm ak katryèm plas Copa America fanm 2022 an.

Chapo 4 : Twa ekip k ap sòti kalifye nan eliminatwa Concacaf yo.

N ap raple, seleksyon ayisyèn la ap gen pou jwe nan dat 30 novanm k ap vini la lakay Kostarika nan yon match kote yon match nil ap pèmèt medam Grenadye yo kalifye dirèkteman pou konpetisyon sa.

KÒMANTÈ

Dènye atik yo