Gold Cup

Premye edisyon Gold Cup pou kategori fanm lan, pa pote bon gou nan bouch seleksyon dominikèn lan.

Panyòl yo gen chans jwe sèlman 3 match nan konpetisyon an. Sou 3 match sa yo kote yo te gen yon seri bon advèsè, medam dominikèn yo pa sispann pran imilyasyon.

Chak match se tankou yon kalòt marasa pou peyi vwazin lan nan Gold Cup la.

Premye match la yo te jwe fas ekip Etazini an, medam Biden yo te pase yo yon raso 5:0. Pou dezyèm match la Meksik ki parèt kòm pi bon ekip konpetisyon an mitonnen yo 8:0.

Tout reverans dominikèn yo se te sou 3èm match la kote yo ta pral jwe kont Ajantin. Men peyi Messi mete medam Abinader yo nan vrè plas yo ak yon eskò 3:0.

Dominikèn yo sòti tèt bese nan konpetisyon an kote yo fini nan dènye plas la nan gwoup A. Yo pran 16 gòl san yo pa bay yon grenn gòl menm.

KÒMANTÈ

Dènye atik yo