Lòt Koze

Nan dat 30 dawout 2018, Jonathan Christian David ki te deja jwe nan ekip U-17 ak U-21 Kanada, te jwenn konvokasyon ekip senyò a nan yon rankont fas Ilyèj Etazini. Match sila te konte pou Lig Nasyon CONCACAF la e l te ede Kanadyen yo kalifye pou Gold Cup 2019 la.

Nan match sa, atakan Lille la te pran 36 minit pou fè 2 gòl pou premye match li ak ekip nasyonal Kanada a. Konsa, li te vini premye jwè ki rive fè yon double pou premye konvokasyon li nan seleksyon sa.

Depi lè sa, Jonathan David kontinye fè bonè ekip la chak fwa okazyon an prezante. Gras ak talan li, jwè a rive mete non l nan listwa ekip la an gran jan.

Nan yon viktwa 3-0 kont Sirinam yè madi a, Jonathan David ki te louvri eskò pou Kanadyen yo, vini poukont li pi bon bitè nan tout listwa "Canucks" yo. Gras ak 31 gòl nan 59 match, "Dogue" la pase devan patnè li a, Cyle Larin ki te fè filè souke pandan 30 fwa pou 78 match sèlman.

Ak 24 lane ase, jwè orijin ayisyèn lan ta dwe amelyore rekò sa plis toujou pou jis li mete fen nan karyè entènasyonal li.

KÒMANTÈ

Dènye atik yo