Lòt Koze

Nan yon batay pou monte nan Lig A a, nan sa ki gen pou wè ak Lig dè Nasyon zòn Concacaf la, Repiblik Dominikèn al kase dan l sou Monsera, lakay li, yon defèt ki tou kondane yo rete nan Lig B a.

Vandredi 17 novanm ki sot pase a, Repiblik Dominikèn te an deplasman pou al jwe ak Monsera, yon match ki te konte pou 5èm jounen Lig dè Nasyon an pou Lig B a. Nan Blakes Estate Stadium nan, Vwazen nou yo tonbe (2-1) devan yon ekip ki klase 180èm nan klasman FIFA a.

Malgre yon posesyon ki te a (75%-25%) pou dominiken yo, yo pa t rive sòti nan pyèj Monsera a, ki kadre sèlman 2 tir nan match la, 2 tir ki al souke filè ekip Marcelo Neveleff ap antrene a. Poutan, nan mwa septanm nan, nan Estadio Olímpico Félix Sánchez, Repiblik Dominikèn te bat yo byen fasil (3-0), nan match tounen an bagay yo pa pase menm jan an.

Pwochen sòti dominiken yo se pou 21 k ap vini la kont ekip Nikaragwa a nan vil Managua. Menm si Quisqueyanos yo ta fè yon viktwa nan match foutbòl sa, yo p ap fè yon pa kita yon pa nago y ap rete la nan Lig B a pou sezon k ap vini an.

KÒMANTÈ

Dènye atik yo