la Liga

Klèb FC Barcelone lan jwe premye fwa nan Koup Espay nan lane 1983.

Nan edisyon sila klèb Blaugrana a jwe premye match li ki konte pou 1/4 final kont ekip Sporting Gijón lan. Match sila a fini 1-0 nan avantaj FC Barcelone nan match ale a, epi nan retou a yo fè 0-0.

Rive nan demi final, Catalan yo te kontre ak ekip Atletico Madrid la. Match ale a te fèt lakay Atletico nan Metropolitano a. Li te fini 1-0 nan avantaj ATM. Nan match retou a Barcelone bay Atletico yon leson foutbòl epi genyen yo 5-2 nan Camp Nu an.

Rive nan final, nan epòk la ki te konn fèt ale-retou, Barça te kontre ak Real Madrid. Match ale a ki te fèt nan Bernabéu a te fini 2-2. Barcelone te mennen 2-0 nan kòmansman dezyèm mitan an (51èm ak 57èm minit) gras ak Carrasco epi Maradona. Real te rive egalize nan 62èm ak 68èm minit gras ak Del Bosque epi Juanito.

Nan match retou a gras ak lejann Ajanten an Maradona ki te louvri eskò a, Barcelone te mennen 1-0 depi nan 19èm minit, rve nan 25èm minit Alexanko te make dezyèm gòl la pou Catalan yo, byen ta nan match la Madrilèn yo ta pral sove lonè nan 80èm minit gras ak Santillana.

Yon premye edisyon Catalan yo ranpòte sou pi gwo rival yo a 2-1 nan Camp Nu an avèk César Luis Menotti kòm antrenè.

Barcelone te jwe ak 11 sa : Urrati, Alexanko, Muñoz, Migueli, Julio, Alberto, P. Alonso, Sanchez, Maradona, Schuster ak Carrasco.

KÒMANTÈ

Dènye atik yo