la Liga

Nan kad 16èm jounen chanpyona Espanyòl la, Fc Barcelone al sou tèren Real Betis kote yo rive fè match nil (2-2).

Se te yon bon 90 minit boul kote chak ekip t ap kreye pwòp aksyon yo nan match la. Men depi nan premye mitan an ekip Betis la te ka bay klèb Barcelone lan yon gòl, avèk Ezzalzouli ki te rate fasafas li kont Iñaki Peña. Nan 39èm minit match la, sou yon pas de Jules Koundé, Robert Lewandowski ta pral mete yo (1-0), e fè yo rantre nan vestyè ansanm ak eskò sa.

Sòti nan vestyè an, ekip Betis la te parèt ak yon pi bèl jwèt kote yo t ap chèche gòl egalizasyon an. Ebyen nan 66èm minit yo ta pral jwenn yon penalite aprè yon fot Frenkie De Jong ta pral fè sou Viktor Roque anndan kare a. Giovani Lo Celso te byen konvèti penalite sa e mete match la (1-1). FC Barcelone te oblije al fè de (2) chanjman, kote Gavi ak Pau Victor te ranplase Pedri ansanm avèk Robert Lewandowski. Avan chanjman sa, nan 60èm minit, De Jong ak Ferran Torres te rantre nan plas Raphinha avèk Dani Olmo. Sou yon bèl pas de Lamine Yamal, Ferran Torres ta pral mete match la (2-1), lèsa nou t ap jwe 82èm minit match la. Assane Diao nan 90+4 te bay Betis Séville gòl (2-2), ki tou sove match nil la.

Lamine Yamal se te pi bon jwè match la !

KÒMANTÈ

Dènye atik yo