la Liga

Defèt fas Liverpool la kite yon move gou nan bouch madrilèn yo. Non sèlman yo konnen yon defèt, Real rive pèdi yon lòt jwè kle.

Sòti sou blesi nan 54èm minit, entènasyonal fransè a Eduardo Camavinga mete klèb la nan yon sitiyasyon ki vin pi konplike. Jodi Jedi an, Real Madrid fè sòti yon kominike pou konfime milye tèren an blese nan Ichyo. Nan ka sa, li kapab absan anviwon 3 semèn.

Fas anglè yo, Camavinga te youn nan jwè kite plis prezan nan rankont lan. Tankou, pou koze tranzisyon ak Federico Valverde yo, pou monte ak balon swa pandan l nan pye l ou bay pas nan pwofondè, jwè a te montre l fè sa byen.

Malerezman, fransè a te oblije kanpe nan wout pandan l t ap repliye pou ede ekip li defann. San frape ak lòt advèsè yo, li oblije kenbe dèyè kwis goch li. E apre yon tès sou tèren an, antrenè a te oblije ranplase l 3 minit apre jis paske l pa t kapab kontinye.

KÒMANTÈ

Dènye atik yo