la Liga

Jan sa te anonse depi kòmansman semèn lan, Karim Benzema ofisyèlman kite Real Madrid aprè 14 sezon nan chanpyona espanyòl la, daprè sa klèb madrilèn la anonse.

Nan yon kominike ki pibliye jodi dimanch 4 Jen an, direksyon Real Madrid la anonse atakan fransè an ap kite klèb la. Daprè enfòmasyon ki sòti nan laprès espanyòl, Benzema ta dwe rejwenn Saudi Pro League la nan Al-Ittihad.

Atakan fransè 35 lane a pran yon lòt direksyon ak karyè foutbòl li aprè bèl pasaj li nan foutbòl ewopeyen an. Karim Benzema se te sèl grenn jwè ki te nan bèl ekip Real Madrid ki te ranpòte Lig Dè Chanpyon 2014 lan ki te la toujou.

Pandan 14 sezon sa yo nan kapital espanyòl la, atakan fransè an kite non l nan istwa ekip Real Madrid la kote li se senkyèm jwè ki jwe plis match sou koulè Merengue yo epi fini kòm dezyèm meyè bitè istwa klèb la ak 353 gòl.

Karim Benzema genyen tou yon palmarès vrèman rich avèk prensipalman 5 Lig dè Chanpyon ak plizyè Liga, san konte twofe endividyèl Balon dò 2022 li an.

KÒMANTÈ

Dènye atik yo