la Liga

Nan kad 14yèm jounen chanpyona Espanyòl la, Real Madrid te deplase al sou tèren Leganés kote l byen sòti nan match la gras avèk yon gwo ekip kolektif bò kote madrilèn yo.

Carlo Ancelotti te resi kòmanse ak Arda Güler nan plas Rodrygo Goes ki limenm blese pou 6 semèn, e chwazi mete Fede Valverde jwe lateral dwat nan plas Vázquez ki limenm tou blese pou yon mwa. Te gen yon lòt chanjman enpòtan tou kote Vinicius Junior jwe kòm pwent pou fè Mbappé jwe elye goch.

Match la pa t fasil nan okòmansman malgre yon gòl yo refize pou òje pou Kylian Mbappé. Men nan 43yèm minit match la, gòl ta pral resi vini (0-1) gras ak atakan Fransè a Kylian Mbappé ki tou mete yon bout nan premye mitan match la.

Dezyèm mitan an, se te yon lòt ekip Leganés ki t ap jwe kont sou Real Madrid men ki an menmtan fè yon pakèt fot sou jwè madrilèn yo jiskaske nan 66yèm minit ta pral g on fot dèyè kare a, e Federico Valverde ta pral fè gòl (0-2) a aprè yon pas Güler.

Mbappé ak Arda Güler te kite match pou bay Luka Modrić avèk Brahim Díaz plas yo nan 10 dènye minit yo. Nan 85èm minit, sou yon rebon, Jude Bellingham ta pral make gòl (0-3) ki te klotire eskò match la.

Viktwa pou klèb madrilèn nan, ki limenm gras avèk twa (3) pwen sa yo pase pran dezyèm plas la nan men Atlético Madrid, epi pase ak 4 pwen an mwens FC Barcelone ki se lidè chanpyona sa, men avèk yon match anreta !

Kylian Mbappé se te pi bon jwè match la selon Liga a.

KÒMANTÈ

Dènye atik yo