la Liga

Pou wikenn sa, chanpyona espanyòl la pral rapouswiv avèk 16èm jounen li. Real Madrid pral gen pou deplase al sou tèren Girona demen samdi an a 3è pm nan lè Pòtoprens. Antrenè a deside mete yon lis 21 jwè deyò pou match sa.

Madrilèn yo pral jwe match sa san Edouardo Camavinga, Alaba ak Vinicius Junior, ajoute ak Dani Carvajal epi Eder Militão ki yo menm blese pou tout rès sezon an. Maten an, nan konferans pou laprès, Carlo Ancelotti anonse Vinicius Junior ap la kont Atalanta semèn k ap vini an nan Lig chanpyon yo. Alaba li menm ap tounen pou mwa janvye 2025.

Men lis jwè yo an detay :

Gadyen : Courtois, Lunin, Sergio Mestre

Defansè : Lucas Vázquez, Vallejo, Fran García, Rüdiger, Mendy, Asencio

Mitan tèren: Bellingham, Valverde, Modric, Tchouaméni, Arda Güler, Ceballos, Chema

Atakan : Mbappé, Rodrygo, Endrick, Brahim Diaz, Gonzalo

Match sa se pral yon posibilite pou Real Madrid retounen jwenn gou viktwa aprè l te fin pèdi semèn sa nan kad match avanse pou 19èm jounen Liga a kont Athletic Bilbao (2-1).

KÒMANTÈ

Dènye atik yo