la Liga

Nan kad 17èm jounen Liga a, Real Madrid al fè yon match nil (3-3) sou tèren Rayo Vallecano !

Yon match difisil anpil pou Real Madrid depi nan kòmansman an jiska lafen. Dabò se Rayo Vallecano kite mete match la (1-0) gras avèk U. López depi nan 4èm minit. Sa te pran 32 minit pou yo te mennen (2-0) nan match la gras avèk A. Mumin nan 36èm minit, e lèsa klèb madrilèn nan pa t ap byen jwe ditou kote te gen anpil dechè nan pas yo a e yo pa t menm rive enkyete gadyen anfas la pou jiska 39èm minit. Sou yon gwo chout deyò kare a, Fede Valverde te fè pou l te redui eskò match la (2-1), men match la te vin nan men klèb Madrid la kote 6 minit aprè gòl (2-1) an yo te vin jwenn gòl (2-2) a nan 45èm minit, gras avèk Jude Bellingham ki limenm te resevwa yon sant de Rodrygo Goes. Match la rantre nan vestyè ak eskò (2-2) a !

Nan lòt 45 minit lan, Real Madrid te monte sou Rayo Vallecano kote yo te pran 11 minit pou te make gòl (3-2) a nan match la gras avèk yon bèl gòl de Rodrygo Goes deyò kare advès la. Men Rayo pa t ret gade yo nan je paske nan 64èm minit, I. Palazón te fè gòl (3-3) a pou yo aprè yon sant li te resevwa bò kote F. Lejeune. Malgre chanjman k te fèt bò kote de ekip yo, eskò a pa t chanje aprè 90 minit la !

Match nil (3-3) ant Rayo Vallecano ak Real Madrid !

Fede Valverde fini pi bon jwè match foutbòl la !

KÒMANTÈ

Dènye atik yo