la Liga

Sou nyaj depi yon mwa edmi, Atletico Madrid konnen yon onzyèm viktwa youn dèyè lòt nan diferan konpetisyon yo.

Apre yo te fin bat Slovan Bratislava (3-1) mèkredi a nan Ligue des Champions, ayè dimanch lan ti mesye Diego Simeone yo pwouve se ekip la ki an sante ki fè yo rive fè viktwa kont Getafe, menmsi se sou eskò ki pi minim lan (1-0). Kout viktwa sa pèmèt Simeone ak poulen li yo konte men m valè pwen ak Barcelone, ajoute sou match an mwens yo genyen an.

Remak ki enpotan, kòm yon klèb ki gen karaktè defansif, ATM rive make pou piti 3 gòl sou chak match nan 5 dènye li jwe yo. 6-0 kont Sparta Prague, 5-0 devan Valladolid, 3-1 fas Cacereño, 4-3 kont Séville epi 3-1 fas Slovan Bratislava.

Pou reyalize eksplwa sa, klèb espanyòl la oblije tann 74 lane. Rojiblancos yo te gen nan tèt yo Helenio Herrera nan epòk sa. Menm moun sa fè pati lis lejand klèb italyen an, Inter Milan, konnen nan istwa l.

KÒMANTÈ

Dènye atik yo