la Liga

Nan match kont Atalanta Bergame an pandan semèn nan Ligue des Champions an, Kylian Mbappé te rive bitè pou Real Madrid, men ta pral sòti nan rankont sa depi nan 36èm minit akòz li t ap soufri yon blesi. Ebyen, maten an, klèb li sòti yon kominike pou anonse dire blesi jwè fransè a.

Kylian Mbappé ki limenm se aktyèl pi bon bitè Real Madrid sezon an kote li jwe 22 match pou 12 gòl li make, madi swa te rive sòti nan match anfas Atalanta a. Nan yon kominike klèb la sòti maten an, yo fè konnen Kylian ap soufri avèk yon blesi nan kwis gòch li, sa ki pral lakòz li pral absan deyò tèren pou 10 jou.

Mbappé ap rate match kont Rayo Vallecano a pou wikenn sa e gen gwo dout sou prezans li nan Koup entèkontinantal la pou Real Madrid akoz blesi a.

KÒMANTÈ

Dènye atik yo