AKÈY FIFA Lòt koze

Lòt koze

Prezidan FIFA takle France Football pou Balondò 2024 la

17 desanm 2024 Gamarck Antoine 246

Seremoni FIFA The Best la fèt madi 17 desanm 2024 la nan peyi Qatar. Youn nan bagay ki parèt etranj se jwè Real Madrid la Vinicius ki ranpòte twofe sa.

Jeneralman jwè ki ranpòte Balondò a toujou ranpòte FIFA The Best la, fwa sa Rodri pase sou kote. Brezilyen an bon sou espanyòl la ki te ranpòte Balondò a. Pou rapèl, te gen anpil kritik ki te fèt sou kesyon sa, poukisa se Rodri ki pran Balondò a sezon sa ? Daprè anpil sondaj ki te fèt, se jwè Real Madrid la ki te pi byen plase pou genyen l. Jou seremoni an sa te chanje, brezilyen an te pase deyò.

Pandan seremoni pou remèt twofe FIFA a, Prezidan enstitisyon sa ki se Gianni Infantino te bay France Football yon gwo tap sou do men.

“ Si nou vle konnen kiyès ki meyè jwè mond lan, sa dwe pase pa FIFA, tout Moun vote. Sa fèt ak anpil objektivite e transparans”, deklarasyon prezidan FIFA, Gianni Infantino

Gianni Infantino fè France Football sonje Balondò 2024 la pa lejitim, men twofe FIFA a reyini kondisyon yo.

Nap raple, soti nan lane 2010 pou rive an 2016, France Football ak FIFA te kolabore pou detèmine kiyès ki dwe ranpòte Balondò a. Nan mwa septanm 2016, de(2) enstitisyon sa yo te koupe fache. Depi apre yo te separe nan lane 2016 la, dènye rekonspans France Football remèt yo toujou jwenn kritike.