AKÈY FIFA Lòt koze

Lòt koze

Yon jwè 62 lane ap jwe boul toujou

15 desanm 2024 Benswilkenson Jean 288

Gwo sezisman nan mond foutbòl la. Pandan jwè ap pran retrèt yo ak 36, 37 lane, yon jwè ki li menm genyen 62 lane pa deside bay jwèt foutbòl la vag.

Robert Carmona ki fèt nan dat 30 avril 1962, se yon jwè irigweyen malgre 62 lane li yo kontinye ap jwe foutbòl toujou.

Carmona jwe pòs defansè santral anndan ekip CA Nuevo Casabó, yon klèb 4èm divizyon nan peyi irigwe.

Robert Carmona jwe ak nimewo 62, yon nimewo ki tou endike laj li.

Selon divès sous, Carmona ta kòmanse karyè l nan lane 1980 anndan klèb Liverpool Montevideo a nan peyi Irigwe. Depi apre sa, Carmona jwe plis pase 2000 match nan anviwon 30 ekip.

Carmona pase nan plizyè peyi tankou Kanada, Etazini, Espay ak Itali, kote li jwe nan divès ti klèb.

Jwè sila ranpòte pri Guiness World Record la kòm jwè ki fè plis tan ap jwe foutbòl.

Carmona gen 48 lane depi li ap jwe foutbòl pwofesyonèl. Li fè 8 operasyon deja.

"Nan istwa foutbòl, gen plizyè jwè ki kite jwe, men apre yon ti tan ki retounen nan yon klèb. Men nan ka pa m lan, mwen ap jwe san kanpe depi kòmansman karyèm nan lane 1976", deklarasyon Carmona.

Pou rapèl, nan kòmansman karyè l, Robert Carmona te konn jwe kòm mitan tèren.

"Mwen se yon eli, yon lejann vivan. Mwen vini jwè ki fè plis tan ap jwe e mwen ap kontinye sa. Lide pran retrèt la pa nan panse m", Carmona