AKÈY FIFA Mondyal

Mondyal

Brezil sòti lis li san Neymar, men ak yon jwè ki te make lespri nan dènye match yo te jwe a

sous: GolAyiti/imaj

01 novanm 2024 Benswilkenson Jean 491

Seleção a ki gen 2 rankont ki ap tann li nan mwa novanm lan deja wè antrenè a mete lis 23 jwè ki pral pran responsablite yo deyò.

Neymar Jr ki apèn tounen pile tèren foutbòl aprè plis pase yon lane blese malerezman pa nan lis la jan sa te anonse kèk semèn pase. Fanatik jòn ak ble yo pral oblije tann jis lane 2025 pou wè sipèsta yo a.

Yon lòt bò, defansè lateral dwat AS Monaco a ki te mete tout moun dakò nan dènye sòti li ak seleksyon an, Vanderson prezan ankò nan lis sila a.

San bliye kèk bon prezans tankou, Raphinia ki sot pran pi bon jwè mwa septanm lan epi make 4 gòl nan 2 dènye match li yo ak Barcelone (3 fas Bayern, 1 fas Real Madrid) reponn prezan tou nan lis la.

Sèlman Alex Telles ak Beraldo ki te nan dènye lis mwa oktòb la ki pa prezan pou mwa novanm lan.

Pou rapèl Brezil gen pou jwe 2 match nan fenèt FIFA sa se kont Venezyela (14 novanm) ak kont Irigwe (19 novanm).

Lis la konplè:

GADYEN: Ederson, Bento, Weverton.

DEFANSÈ: Danilo, Marquinhos, Vanderson, Abner, Eder Militão, Murillo, Gabriel Magalhães, Guilherme Arana.

MITAN TÈREN: André, Andreas Pereira, Bruno Guimarães, Gerson, Lucas Paqueta, Raphinia.

ATAKAN: Estévão, Igor Jesus, Luiz Henrique, Rodrigo, Savinho, Vinicius Jr.