Eredivisie

Dimanch lan, NAC Breda ki apèn monte nan premye divizyon peyi Lawoland lan t ap resevwa youn nan pi gwo klèb ki nan Eredivisie a. Nan estad Rat Verlegh lan ki twouve Breda, andeyò Brabant-Septentrional nan peyi Lawoland e ki gen yon kapasite pou pran 17 254 moun, Ajax Amsterdam tonbe (2-1) an deplasman.

Nan yon match ki konte pou dezyèm jounen Eredivisie a, chanpyon D2 yo bay Ajax gras ak Jan Van den Bergh ki te make gòl viktwa nan 91èm minit. Avan li te fè sa, Matthew Garbett nan 58yèm minit te ouvè eskò a. Men Jorrel Hato, 63èm minit te egalize pou Ajax . Se kapitèn Breda a, Van den Bergh (90èm+1) ki te voye Hoefkens yo nan 7èm syèl ak gòl dènye lè li te fè a.

Pou kounya, Ajax ak NAC Breda twouve yo nan 9yèm ak 10yèm pozisyon nan klasman premye divizyon Neyèlandè a ak 3 pwen pou yo chak.

KÒMANTÈ

Dènye atik yo