Eredivisie

Nan kad match dezyèm jounen Eredivisie a, PSV Eindhoven te fè deplasman pou afwonte Heracles nan estad Erve Asito a. E pou dezyèm sòti a, chanpyon an tit yo fè yon lòt viktwa pou byen kòmanse sezon 2024/2025 lan.

 

Gwo bonè nan rankont lan PSV te gentan pran gòl nan lakou Almelo. De Keersmaecker te transfòme penalite yo nan 5yèm minit pou ekip Heracles la.

Jwè Eindhoven yo te relanse match la gras ak yon otogòl Ivan Mensik te fè (52'). Kèk minit aprè (59') Johan Bakayoko te fè diferans lan pou yo (2-1). Byen mal, bèlj la te oblije kite rankont lan nan 69yèm minit akoz yon blesi.

Pou fini ak dosye sa, Couhaib Driouech asire viktwa pou PSV nan 90èm minit. Se 3-1 an ki te rezilta match la.

Apre eksplwa sezon avan an kote Eindhoven te chanpyon ak yon seri viktwa youn kole ak lòt, yo deja demare sezon an ak men m entansite a. Pou 2 jounen, De Jong ak koyekipye li yo fè 2 viktwa.

KÒMANTÈ

Dènye atik yo