AKÈY UEFA Champions League

Champions League

Charles De Ketelaere, yon etwal ki file nan 5èm jounen C1 an

sous: GolAyiti/imaj

29 novanm 2024 Neuvième Junior 302

3 milyon ewo ak obligasyon pou achte jwè a, se konsa Atalanta Bergame te ofisyalize vini Charles De Ketelaere ki te sòti nan AC Milan nan kad yon transfè sou fòm prè.

Jwè sa te rejwenn Rossoneri yo pou yon sòm ki se 35 milon ewo. Klèb li t ap evolye a pa lòt se Club Bruges. Malerezman pou li, jwè a pa t gen chans enpoze l nan efektif Pioli a ki pa nan tèt klèb seri A ankò.

Pandan l rejwenn Atalanta, jwè 23 lane a bay yon pèfomans ki make panse anpil moun nan match klèb ble e nwa ki krake Young Boys Berne (1-6) an. Gras ak eksplwa mayestwo a bay la, sa pouse jounal yo voye l monte tanko "Gazzetta dello Sport" ki salye prestasyon bèlj la.

«Kont Young Boys, li bay yon leson foutbòl nan tout domèn: anndan kare a, nan antre a epi nan senkant mèt kan. Milanè sa ki pa t gen tèt li lè l t ap pote mayo Rossoneri yo, vini yon gason ki jere emosyon epi rive transfòme yo tankou yon pyès teyat.»

Selon Opta, li vini premye jwè nan yon klèb Italyen ki patisipe nan 5 gòl nan yon match Lig chanpyon. 3 pas epi 2 gòl pou ede Bergame yo maspinen Swis yo.