AKÈY UEFA Champions League

Champions League

De klèb fransè kalifye pou demifinal Lig Dè Chanpyon fanm nan

sous: GolAyiti/imaj

28 Mas 2024 Jacky Chéry 5804

Paris Saint-Germain ak Olympique Lyonnais se de klèb fransè nan zafè foutbòl fanm k ap genyen pou jwe demifinal Lig Dè Chanpyon sezon sa aprè kalifikasyon yo pandan seri kadefinal la ki jwe pandan mitan semèn lan.

Nan match retou Lig Dè Chanpyon an, Olympique Lyonnais avèk Melchie Daëlle Dumornay valide biyè yo pou demifinal konpetisyon an aprè viktwa yo 4-1 fas Benfica. Jodi jedi an, se tou pa PSG ki genyen 3-0 BK Hacken.

Aprè l te fin fè premye aparisyon li nan Lig Dè Chanpyon nan seri kadefinal yo, Melchie Daëlle Dumornay pral gen opòtinite jwe demifinal konpetisyon an avèk Fenòt yo bò kote ekip fanm Paris Saint-Germain an.

Paris Saint-Germain ki te genyen match ale an 2-1 an deplasman, korije jodi jedi 28 mas la klèb syedwa a BK Hacken 3-0 lakay li gras avèk atakan vedèt yo an Marie Antoinette Katoto, Korbin Albert epi Tabitha Chawinga.

Akote 2 klèb fransè yo, dènye kare Lig Dè Chanpyon an genyen ladan l 2 nan pi gwo ekip ki genyen aktyèlman nan mond lan, Chelsea ak FC Barcelone. Olympique Lyonnais ki se ekip ki pran konpetisyon sa plis, pral genyen pou jwe kont PSG, pandan Chelsea ap genyen pou toke kòn li ak FC Barcelone.