AKÈY UEFA Champions League

Champions League

Kòman Champions League la ye bò medam yo ?

sous: GolAyiti/imaj

21 novanm 2024 Benswilkenson Jean 470

Menm jan ak mesye yo, UEFA òganize Champions League tou pou medam.

Women's Champions League se non pi gwo konpetisyon pa medam yo. Konpetisyon sila sou 23 èm edisyon depi UEFA kreye l nan lane 2001.

Olympique Lionnais ki gen grenadye Melchie Daëlle Dumornay aka Corventina ladan l se klèb ki pran plis tit ladan (8).

Chanpyon an tit la se FC Barcelone.

Anvan li te pote non Women's Champions League, UEFA te òganize l an Women's Cup. Non an pral chanje se nan lane 2010. Pou edisyon 2010 la, klèb alman Turbine Potsdam te chanpyon. Men pou premye edisyon Women's Cup la se Franckfurt ki te chanpyon l.

Pou sezon 2024/2025 lan, nou sou 4èm jounen nan faz gwoup Women's Champions League la.

Ekip tankou: Lyon (12 pwen), Chelsea (12 pwen), Real (9 pwen) gentan kalifye pou pwochen faz final Champions League la.

Yon konpetisyon ki gen anpil enterè avèk yon seri bèl ekip tankou Lyon ki kenbe Akerna Première Ligue la nan gòj menm jan ak Barcelone ki se chèf Liga F la, san konte Wolfsburg ki li menm ap dirije chanpyona almay la ak Chelsea depi 5 lane ki gen kontwòl Super League la nan peyi Angletè.