AKÈY UEFA Champions League

Champions League

Kalifikasyon Lig Dè Chanpyon 2023/24: Frantzy Pierrot ak Maccabi Haïfa mache sou ekip Sheriff Tiraspol la.

sous: GolAyiti/imaj

02 awout 2023 Neuvième Junior 4131

Nan kad match retou baraj pou kalifikasyon Lig Dè Chanpyon sezon 2023/2024 la, Maccabi Haifa ki t ap resevwa klèb Sheriff Tiraspol la nan estad Sammy Ofer Stadium lan jodi mèkredi a rive enpoze l pou pase faz sila.

Nan yon match ki te kòmanse ak anpil angajman kote 2 ekip yo t ap mete boul atè, ekip Tiraspol la ki te genyen match ale a t ap mete presyon jis yo t ap pral jwenn ouvèti eskò match la nan 20èm minit aprè yon penal VAR te akòde. Malgre presyon an te vin plis pou koyekipye Frantzy Pierrot yo, sa pa t anpeche yo jwenn egalizasyon an anvan premye peryòd la fini. Pou dezyèm peryòd la, klèb grenadye a ki te kontinye pouse te rive jwen dezyèm gòl la nan 85èm minit, sa ki te fè match la pase 2-1 pou Maccabi. Rive 86èm minit atakan Sheriff la te pran youn katon wouj avan Talal te pran yon lòt nan 90+4 tou 2 jwè sa yo te gentan kite match la. Apre 90 minit plis tan adisyonèl yo match la te ale nan pwolongasyon. Rive nan faz sa, klèb Izrayèl la te pwofite agrave eskò match la nan 105+2' pandan premye tan pwologasyon an sa ki te mete match lan (3-1). Aprè poz, nan dezyèm mitan pwologasyon an, grenadye Pierrot te transfòme tèt li an pasè pou bay pas ki mennen ak (4-1) nan 107èm minit match la, yon eskò ki pa t chanje jiska fen match la.

Nan match ale a klèb Pierrot ap evolye a te pèdi (1-0) an deplasman. Pou retou a, yo rive rache viktwa a ak yon bèl eka fas vizitè yo sa ki pèmèt yo kalifye pou twazyèm tou Lig dè Chanpyon sezon 2023/2024 la.