AKÈY UEFA Champions League

Champions League

Thomas Müller rive antre nan yon sèk ki fèmen nan koze C1 an

sous: GolAyiti/imaj

12 desanm 2024 Neuvième Junior 274

1992, Ligue des champions, se sou non sa konpetisyon ewopeyen an te vin batize pou yon lòt fwa apre l te konnen plizyè non avan sa.

A chak fwa li kòmanse, se toujou yon plezi pou fanatik foutbòl koz se toujou yon moman ki mete klèb yo nan amoni, ki pèmèt nouvo rankont akoz deplasman yo.

Pandan bèl konpetisyon sa, gen anpil jwè ki souvan fè diferans swa nan koze fè gòl, bay pas gòl, defann ekip yo e menm fè plis drib. Ebyen, nan diferans lan, gen kèk jwè ki make gòl nan plizyè sezon youn apre lòt.

Nan rankont Bayern Munich lan, Thomas Müller ekri yon lòt paj nan istwa Ligue des champions an pandan l vin 5èm jwè ki make pou pi piti yon gòl pandan 16 sezon youn aprè lòt.

Avèk eksplwa li fè a, li rejwenn Ryan Giggs ak Cristiano Ronaldo. Apre, se sèl Karim Benzema ak Lionel Messi ki fè l pandan 18 fwa pou montre diferans lan.

Men koman klasman prezante:

Lionel Messi : 18 sezon

Karim Benzema : 18 sezon

Cristiano Ronaldo : 16 sezon

Ryan Giggs : 16 sezon

Thomas Müller : 16 sezon

Toujou nan foutbòl, Thomas Müller kapab gen posiblite pou l ta egale Benzema ak Messi tout fwa li pa ta bay vag oubyen pa ta gen lòt pwoblèm.

Èske l ap rive fè sa 🤔 ?