AKÈY UEFA Lòt Koze

Lòt Koze

PSV Eindhoven frennen sèk devan Stade Brestois

sous: GolAyiti/imaj

13 desanm 2024 Neuvième Junior 141

Sezon pase, PSV Eindhoven te leve tit la nan Eredivisie a. Pou fè sa, chanpyon an tit yo te rive fè 29 viktwa, 4 match nil ak yon defèt.

Depi lè a, ekip lan pa sispann kreye sansasyon nan chanpyona Olandè a. Sezon sa, yo deja demare ak 14 viktwa epi yon defèt. Men, nan chanpyona ewopeyen an bagay pa fin oke pou Lampen yo.

Nan Ligue des champions sezon an, PSV konnen 2 viktwa, 2 nil plis 2 defèt pou 6 jounen sa ki fè yo okipe 23èm plas la pou kounya. Yon plas ki vle di baraj jiska prezan.

Pou dènye rankont yo te jwe nan C1 an, wouj e blan yo te tonbe fas klèb fransè a Stade Brestois (1-0). Ebyen, Eindhoven ki se yon klèb ki te konn toujou fè yon gòl pou piti nan chak match li jwe, frenen nan dènye sòti l.

Pou premye fwa sou 30 rankont, Olandè yo fini san fè gòl. E dènye match yo te jwe san make men m yon gòl, se te 13 mas 2024. Depi lè a, afè pou yo pa souke filè advèsè yo an se te blag. Malerezman fransè ki an jwa akoz y ap fè yon bèl pakou nan chanpyona ewopeyen an di sa fini la.

Si nan chanpyona Olandè an PSV Eindhoven ap byen konpòte l, li rete pou l fè men m eksplwa nan Ligue des champions an..

Èske sa posib pou yo ta rive pase san se pa nan baraj ?