Lòt Koze

Angletè ap fè fas ak yon gwo defi avan premye match yo nan Lig Nasyon an pou semèn sa a, avèk 8 jwè enpòtan ki pa p ka jwe pou yo pou dènye fenèt FIFA a pou ane 2024 la.

Nan lis jwè ki rale kò yo, nou jwenn: Cole Palmer, Bukayo Saka, Trent Alexander-Arnold, Phil Foden, Levi Colwill, Jack Grealish, Aaron Ramsdale, ak Declan Rice. Kèk nan jwè sa yo, tankou Levi Colwill ak Cole Palmer, pran desizyon sa a kòm yon mezi prevansyon pou evite blese pi grav, espesyalman apre Cole Palmer te santi doulè pandan dènye match li kont Arsenal la.

Pou ranplase yo, antrenè a fè apèl a nouvo jwè pou mete fòs nan ekip la. Morgan Rogers nan ekip Aston Villa resevwa premye apèl li nan ekip nasyonal la. Anplis de sa, Jarrod Bowen, Jarrad Branthwaite, Tino Livramento, ak James Trafford vin jwenn ekip Angletè a pou ede nan match k ap vini yo. Pami ranfò sa yo, nou pa jwenn non yon nèg tankou Marcus Rashford.

Pwogram match Angletè yo pati konsa : jedi rankont ak Grès pou yon match an deplasman epi dimanch yon lòt match kont Repiblik Ilann nan estad Wembley la

Ekip Angletè a ap gen yon gwo defi pou fè fas san jwè kle sa yo, men ak nouvo ranplasan yo, ekip la espere kenbe fòs li pou pote viktwa pou fanatik yo.

KÒMANTÈ

Denye atik yo