Serie A

Depi nan kòmansman sezon an, ekip Milan AC a ap mòde lage. Nan sa ki gen pou wè ak chanpyona Itali a, se yon kout dlo cho yon kout dlo frèt. Twoup Paulo Fonseca ap dirije a genyen ekip Hélas Vérone nan 1-0 an deplasman vendredi 20 desanm lan, nan 17èm jounen chanpyona.

Malgre yon laj dominasyon bò kote ekip Milan AC a, yo pa t rive ouvè eskò a nan premye peryòd la. Repons lan te vini ak Tijjani Reijnders, ki se youn nan pyès enpòtan pou Milan AC sezon sa. Mitan tèren nèlandè a te fè sèl grenn gòl match la nan 56èm minit apre l te mete yon bèl chout sou yon pas ki pote siyati Youssouf Fofana. Milan AC nan 7èm pozisyon klasman an aprè match sa, annatandan rezilta Bologne, pou konnen si l ap retounen nan 8èm plas.

KÒMANTÈ

Dènye atik yo