Saudi Pro League

Jodi vandredi a, Cristiano Ronaldo te titilè kont Damac nan Saudi Pro League la, li make 2 gòl ki bay ekip Al-Nassr lan yon viktwa.

Li difisil pou w di atakan Potigè a nan pi bon fòm karyè li men sa pa anpeche l toujou kreye sansasyon lakay gran piblik la. Anpil fwa sa rive, se souvan nan moman yo panse l pap repon. Jodia, malgre kantite lane li gen sou tèt li (39 ki ap 40 nan mwa fevriye k ap vini a), li pa parèt fatige.

Kont Damac FC, yon ekip ki twouve l nan 11zyèm plas SPL la , li make sou penal nan 17èm minit avan l fini ak yo nan 79èm sou yon pas Boushal. Se sou eskò 2-0 sa match la fini pou pèmèt ekip Al-Nassr la pran 3yèm plas la pou kounya.

Gras ak pèfomans jodia, CR7 vin gen 915 gòl. Pami gòl sa yo pòtigè a make 452 gòl aprè l fin rive nan trantèn li.

KÒMANTÈ

Dènye atik yo